Не е важно стомакот само да биде “рамен“ и затегнат. Многу е поважно да биде здрав, а тоа често се заборава бидејќи луѓето се фокусираат единствено на надворешниот изглед. Здравиот систем на оганите за варење е важен за општото здравје, а особено за имунитетот.
Јадете повеќе влакна
Влакната се важни бидејќи го олеснуваат варењето и движењето на сварената храна низ дигестивниот тракт. Кога се консумираат намирници кои се богати со влакна, цревата работат како што треба, што значи дека токсините не се задржуваат во организмот.
Земајте пробиотици
Пробиотиците се помош во одржувањето на рамнотежа на добрите бактерии кои живеат во цревата. Не е нужно да се внесуваат пробиотици само како додаток на исхраната, може едноставно да се почне да се пие повеќе јогурт. Јаболковиот оцет, киселата зелка, краставиците, маслинките и туршијата исто така може да помогант, бидејќи претставуваат природен извор на пробиотици.
Нервоза
Стресот влијае и на варењето на храната. Кога нивото на кортизол ќе се покачи, во системот на органите за варење се јавува воспалителен одговор и се пореметува природната флора, што предизвикува проблеми со стомакот.
Антибиотици
Антибиотиците исто така ја пореметуваат природната рамнотежа на добрите бактерии во цревата и честото пиење на овие лекарства може да доведе до појава на кандида. Затоа, ако веќе морате да пиете антибиотици, со нив консумирајте и пробиотик.
