Црниот дроб има важна улога во организмот со оглед на тоа дека учествува во метаболизмот на јаглехидратите, протеините и мастите, произведува жолчка, додека истовремено учествува во детоксикацијата на организмот. Никогаш не е доцна да почне да се води сметка за здравјето на црниот дроб, со оглед на тоа дека овој орган почнува да се регенерира веќе после неколку дена адекватна исхрана и одбегнување работи кои лошо му влијаат.
Одбегнувајте фруктоза – иако ја има во овошјето кое изобилува со важни нутритиенти, фруктозата е шеќер, меѓутоа кај поголемите количества, фрукозата се претвора во триглицериди кои се таложат во клетките на црниот дроб и доведуваат до појава на масен црн дорб. Заради ова одбегнувајте ги овошните сокови (дури и ако не содржат додаден шеќер), а јадете овошје кое не е премногу зрело и тоа до 4 порции свежо овошје на ден.
Избегнувајте грејпфрут – одделни соединенија во ова овошје ја намалуваат способноста црниот дроб да елиминира одреден број лекови (меѓу кои се и статините и антихипертензивите) и на тој начин ги зголемува шансите за појава на несакани ефекти.
Кога станува збор за мастите, намирниците богати со транс масти би требало да се исфрлат од исхраната, а предност би требало да им се даде на намирниците како што се путерот, павлаката, маслото од сончоглед и маслиновото масло. Сепак, и нив би требало да ги ограничите на 10 до 20 г по оброк. Во добри извори на здрави масти спаѓаат масната риба, авокадото, јаткастите плодови и семките.
Еден од напитоците што делува поволно и придонесува за здравјето на црниот дроб е кафето – повеќе стдуии покажале дека пиењето две до три кафиња на ден го намалува ризикот од карцином на црниот дроб за 38 отсто.
