Доколку црвенилото на очите, односно крвавите очи не ви поминува, треба да ја знаете причината за да правовремено може да делувате и да спречите понатамошни компликации.
Често црвенилото на очи може да се појави по шампонирање и тогаш е безопасно и безболно. Но ако црвенилото во очите не поминува и ако дополнително ве болат очите или чувствувате печење, треба да се јавите на очен лекар. Ова се можни причини за крвави очи.
Конјуктивитис
Конјуктивитисот е еден од најчестите очни проблеми. Станува збор за воспаление или инфекција која ја прекрива белката на окото. Често е предизвикана од алергија, бактерија или вирус, а често е целосно безопасна и безболна и се решава со терапија.
Вештачки солзи
Честото користење на вештачки солзи со кои се настојува да се намали сувоста на очите, исто така, може да предизвика непријатна појава на црвени, односно крвави очи. Ако ги користите за евентуално да го намалите веќе постоечкото црвенило, тие може само да ја влошат состојбата.
Сувост на очите
Хронично сувите очи и намаленото производство на солзи може да доведе до претерано надразнување на очите, а со тоа и на непријатно црвенило. Сувоста на очите ги проширува крвните садови поради што очната површина станува воспалена.
Контактни леќи
Оние кои носат контактни леќи знаат колку мака тие може да им зададат. Се препорачува дневно да се носат до 10 часа, но често тоа правило се прекршува. По тоа време може да се јави црвенило во очите.
