Според неодамна спроведено истражување, четири од 10 жени признале дека одат и вежбаат во теретана само за после тренингот да може да се наградат со својот омилен десерт. Наместо со вежбањето со кое би го довеле телото во фит форма, женските љубители на чоколадото и виното, одат во теретана за да стекнат право да уживаат во калоричната и нездрава храна.
„За некои луѓе одењето во теретана или џогингот се нешто кое го прават со волја. Но некои луѓе ставаат на себе преголем притисок, а животот би требало да биде радост и воспоставување рамнотежа како би можеле да уживаат и да ги прават оние работи кои се добри за нас“, вели Мајк Вокер, спроведувач на истражувањето.
Чоколадата е на врвот на листата намирници кои се награда по вежбањето, а по неа следуваат пицата и останатите десерти и колачи. Виното и чипсот, исто така, се меѓу продуктите кои луѓето сакаат да ги консумираат по времето поминато во теретана. Утврдено е дека луѓето попрво ќе вежбаат како би можеле без грижа на совест да го изедат она што го сакаат, отколку прво да се почестат со храна, па после да извежбаат.
