Чирот на желудник може да го предизвикаат бројни причинители, меѓу кои најчест е инфекцијата со хеликобактер пилори и како резултат на оштетување кое настанало со делувањето на различни лекови и нестероидни антиинфламаторни лекарства.
Ова се неколку природни решенија за лекување на чир.
Сок од зелка
Ова е популарен природен лек за чир, а лекарите наводно го користеле за таа цел, години пред постоење на таблети за оваа состојба. Зелката е богата со витамин Ц, антиоксидант кој се покажал делотворен во одбрана од инфекцијата на хеликобактер. Исто така, содржи и бета каротен, лутеин и зеаксантин, како и флавоноиди – кемпферол, кверцетин и апигенин. Изрендајте зелка, посолете и додадете сок од еден лимон. Оставете да отстои околу половина час. Процедете и пијте секогаш свеж сок.
Сладок корен
Слаткиот корен спаѓа во групата на мешунки (како што се шарениот грав и сојата) и има сладок вкус. Содржи неколку соединенија кои имаат ефикасност во лекувањето на чир, вклучувајќи ја и глицеринската киселина. Слаткиот корен и неговите екстракти треба да се консумираат умерено, отприлика три шолји чај дневно. Доколку слаткиот корен сакате да го пиете повремено превентивно против чир, едноставно при подготовка на кој било друг чај додадете и малку сладок корен. Но, имајте на ум дека долготрајната употреба на слаткиот корен или прекумерното внесување може да даде несакани последици во форма на главоболка.
Мед
Медот има силно антисептичко, антиоксидантно и прочистително дејства кои му годат на телото, кожата и здравјето во целина. Истражувањата покажале дека медот може значајно да помогне во пореметувања како што е појавата на чир на желудник и бактериски гастроентеритис.
Лук
Лукот има силно дезинфекционо, антибактериско и фунгицидно делување кое лесно може да се спореди со најдобрите антибиотици. Студиите покажале дека лукот, поради своите својства го забрзува заздравувањето на чирот и спречува негова појава. Ако изедете две чешниња лук на ден, сте го намалиле ризикот за појава на оваа состојба за 70 %. Најдобар ефект има ако се консумира на празен желудник.
