Исхраната е потребно да биде балансирана, за да може организмот да има прилика да ги искористи сите хранливи состојки од одредени намирници. Истото се однесува и на внесот на јаглехидрати – доколку целосно се исфрлат од исхраната, тоа најверојатно ќе се почувствува на расположението.
Два вида јаглехидрати
Важно е да знае дека јаглехидратите се една од основните состојки на исхраната, заедно со белковините и мастите, а се делат на лоши и на добри (прости и сложени).
Разликата меѓу овие два вида јаглехидрати е што едните имаат висок гликемиски индекс, а другите низок.
Лошите или прости јаглехидрати брзо се варат и го подигаат нивото на глукозата во крвта, односно имаат висок гликемиски индекс, а пример за нив е белиот леб. Од друга страна добрите или сложени јаглехидрати имаат низок гликемиски индекс и тука спаѓаат овошјето, како јаболки и грејпфрут, и зеленчук како морков, брокула и прокељ.
Симптоми
Замор – Ако од теретана излегувате многу умрони без разлика што сте одработиле неколку лесни вежби, можеби ви е потребно гориво. Ако вежбате или се занимавате со тешка физичка работа, задолжително еде час пред активноста изедете банана или јаболка.
Главоболка – Кога телото троши масти за енергија, се создаваат молекули – кетонски тела, кои од телото се излачуваат преку урината, како и натриумот. Надомесете го губитокот со напиток кој содржи натриум.
Настинка – Јаглехидратите помагаат во производството на антитела кои се борат против болестите, па ако избегнувате јаглехидрати, настинката може често да се јавува.
Непријатен здив – По долготрајна исхрана без јаглехидрати, телото влегува во состојба на кетоза (високи концентрациски вредности на кетонските тела во крвта предизвикани од користење на мастите за енергија, намести јаглехидрати). Последица на ова е непријатен здив.
