Може со сигурност да се каже дека полово преносливите болести се се почести и дека ги погодува сите луѓе, без оглед на годините и полот. Една од тие болести, која може да биде многу непријатна, секако е гонорејата. Од гонореја може да заболат и мажите и жените, но, поголем број заболени се мажите, кај кои се значително поизразени симптомите. За среќа, гонорејата може да се лекува со антибиотици и може да се отстранат причините во рок од неколку дена од почетокот на третманот.
Ако не се открие и не почне на време да се лекува, причините може да се прошират на скротумот, простатата, тестисите, а во посебни околности може да дојде и до крвта. Еднаш кога инфекцијата ќе се прошири, може да дојде до оштетувања на епидидимисот, дел од тестисите кој ја чува и носи спермата, а може да дојде и до неплодност.
Ова се четири симптоми на гонореја на кои треба да обрнете внимание
Секрет од половиот орган
Промените во уринирањето се едни од првите знаци кои укажуваат дека имате инфекција со гонореја. Ретко или често мокрење, уринирање во зголемени или намалени млазови, промена на бојата на урината, се само некои од промените кои заболеното лице најпрво ќе ги забележи. Исто така, сигурен знак дека ја имате оваа полова инфекција е и појава на чуден секрет од половиот орган, кој може да се разликува по бојата, мирисот и конзистенцијата.
Промени во зоната на анусот
Гонорејата исто така може да доведе и до промени во зоната на ректумот, што може да предизвика чешање во делот на аналниот отвор и може дури да доведе до појава на дефекација на крв. Некои луѓе може да добијат пролив и да чувствуваат болка при празнење на цревната содржина.
Болка во грлото и отоци на лимфните јазли
Важно е да се истакне дека гонореја може да добијат и лицата кои практикуваат орален секс. Повеќето луѓе кај кои се развива гонореја во грлото немаат симптоми, но поединци може да доживеат болка во грлото и отоци на лимфните јазли.
Болка и отоци
Како што веќе е нагласено, некои луѓе воопшто немаат развиена симптоматска слика кога станува збор за гонореја. Меѓутоа, кога инфекцијата ќе почне да се шири на околните подрачја во телото на мажите, како во скротумот и тестисите, може да се развие воспаление на епидидимисот проследно со болки во препоните.
