Студијата објавена во специјализираниот стоматолошки магазин Journal of Periodontology, открива дека чистењето заби со конец пред употреба на четкичка отстранило повеќе забен плак, отколку ако постапката се одвива спротивно. Конецот ги отстранува покрупните остатоци од забите и непцата, па така го олеснува патот на четкичката која фино ги чисти забите.
Постојат и други студии кои покажуваат дека обратниот редослед не е погрешен, односно дека резултатите се апсолутно идентични. Едно е сигурно – конецот за заби и четкичката не треба да се раздвојуваат при одржувањето на оралната хигиена. Само така можете да спречите гингивитис и парадонтопатија.
„Парадентозата е најраспространета хронична болест на светот. Сериозно го загрозува здравјето и причина е за опасни болести како што се дијабетес, срцеви заболувања или Алцхајмер“, наведува претседателот на Американската академија за парадонтопатија, доктор Брајан Франц.
Парадентозата влијае и на финансиските прилики на пациентите. Губењето на забите бара вградување протези, што, секако, не е мал трошок, пишува Менс хелт.
