Резултатите од неодамнешна студија покажале дека луѓето кои редовно јадат чили пиперчиња имаат помал ризик од смрт од оние кои не го јадат овој зеленчук. Чили пиперката традиционално се користи во многу култури кај тегоби како што се слаб апетит, но и лоша циркулација и болки во мускулите и зглобовите. За поволни лековити дејства заслужен е капсаицинот, соединение кое на пиперчињата им ја дава карактеристичната лутина. Претходните истражувања покажале дека капсаицинот поволно делува на метаболизмот и кардиоваскуларните функции, како и на тегобите кај артритис, невропатии и гастроинтестинални пореметувања.
За да утврдат како консумирањето чили пиперчиња влијае на општиот ризик од смрт, научниците анализирале податоци на 22 811 учесници на едно претходно истражување. Колку за пример, научниците ги анализирале биомаркерите за кардиоваскуларни болести, како што се на пример, нивоата на липиди во крвта.
Авторите на студијата утврдиле дека личностите кои јадат чили пиперчиња 4 или повеќе пати неделно имаат за 23 отсто помал општ ризик од смрт за разлика од личностите кои ретко или никогаш не јадат чили пиперчиња. Кога станува збор за ризикот од смрт како резултат на кардиоваскуларни болести тој ризик е уште позначително намален за 34 % кај личностите кои често јадат чили пиперчиња.
