Ако бираме чоколадо со висок процент на какао делови и ако овој деликатес го консумираме редовно и во умерени количества, чоколадото би можело да помогне во превенцијата од различни болести.
Кога станува збор за кардиоваскуларното здравје, резултатите од едно истражување покажале дека мажите кои редовно јадат црно чоколадо (во просек 63 г неделно) имаат за 17 отсто помал ризик од мозочен удар.
Истите научници врз основа на резултатите од претходни истражувања утврдиле дека овој ефект важи и за жените, и дека мажите и жените кои често јадат црно чоколадо имаат за 19 отсто помал ризик од мозочен удар. Дотолку повеќе со секои додадени 50 г црно чоколадо неделно ризикот од шлог се намалува за 14 проценти.
