Човечкото тело е еден од најфасцинантните механизми во природата со строго уредени правила и процеси, и иако научните го проучуваат со векови, се уште не е докрај запознаено. Група научници од Универзитетот во Лондон пронашле неверојатни факти за тоа како човечкото тело функционира, почнувајќи од тоа како срцето се менува во вселената, до фактот дека ‘рбетот нема иста должина во текот на денот.
‘Рбетот не е секогаш со иста должина
Дали сте знаеле дека должината на нашиот ‘рбет се намалува во просек околу два сантиметри од утро до вечер? Причина за тоа е што дисковите од кои е составен содржат состојка слична на гел која служи за заштита на ‘рбетот, а гравитацијата делува на нив така да по целодневно стоење ‘рбетот станува пократок.
Секој човек има единствени карактеристики
Познато е дека секој човек има единствени отисоци на прстите, но се разликуваме и по обликот на ушите и по обликот и текстурата на јазикот. Британските научници осмислиле метода со помош на која лицето може да се иднетификува на основ на обликот на ушите и се покажала точна во 99,6% од случаите.
Ген Хомер Симпсон
Научниците откриле дека глувците имаат одреден ген кој штом се избрише стануваат попаметни, и заклучиле дека станува збор за ген кој ги ограничува некои способности на учење и помнење. Се покажало дека и луѓето го имаат истиот ген, но засега не е познато дали неговото отстранување би оставило негативни последици. Научниците го нарекле ген Хомер Симпсон.
Човечкото срце во вселената има поинаков облик отколку на Земјата
Благодарение на НАСА, научниците откриле дека човечкото срце во вселената губи мускулна маса и поприма кружна форма. Истражувања спроведени на 12 срца на астронаути кои работеле на Межународната вселенска станица покажале дека срцето во вселената станува за 9,4% покружно, а кога ќе се вратат на Земјата се враќа во својата преходна издолжена форма.
Перцепцијата на вкусот се менува зависно од температурата на храната
Научниците докажале дека во зависност од температурата на храната, се менува и нашата перцепција на вкусот. Киселост посилно се чувствува ако јадењето е топло, а горчина ако јадењето е ладно. Поради тоа, шолја кафе ни се чини погорка ако е жешка, отколку ја пиеме изладена.
