Нашиот внатрешен часовник е причина зошто раните кои ги „спечалуваме“ во текот на денот зацелуваат побрзо од оние кои ќе ни се случат во вечерните часови.
Експерименти направени со клетки од кожа и други клетки од глувци покажале дека дневните повреди зацелуваат два пати побрзо од вечерните. Кога слични испитувања се направени и кај луѓе, кај 118 пациенти е забележано дека на нивните рани настанати во вечерните часови им требало за 60 отсто повеќе време да зацелат отколку кај оние кои се повредиле во текот на денот. Истражувањето било обавено во Транснационалниот медицински журнал.
Внатрешниот часовник го регулира зацелувањето на раните на клетките на кожата и го оптимизира зацелувањето во текот на денот. Ова може да се покаже како корисно за операции и други медицински интервенции и може да придонесе за нови лекови кои можат да помогнат во зацелувањето на раните.
Дневниот ритам се прилагодува на разни фази во денот, влијае на спиењето, однесувањето, нивото на хормони, телесната температура и метаболизмот.
„Покажавме дека дневниот циклус во часовникот на нашето тело ја контролира брзината со која оштетените клетки на кожата зацелуваат и како оштетеното ткиво се опоравува со помош на еден мошне важен протеин кој се вика актин“, рекол авторот на студијата Нед Хојл.
Ефикасното опоравување на кожата е круцијално за спречување на инфекциите, а кога зацелувањето ќе појде по зло раните можат да остават траен и непоправлив белег. Понатамошните истражувања врзани за зацелувањето на раните и периодот од денот кога настануваат можат во многу нешта да придонесат за развој на лековите кои го поттикнуваат зацелувањето на раните.
