Вршењето нужда со мобилен телефон во вашите раце не е толку безопасно колку што можеби ви изгледа. Лекарите, всушност, предупредуваат дека телефонот е совршена јадица за бактерии, и тоа не само оние кои се наоѓаат во вашиот дигестивен тракт, туку и потенцијални бактерии на други луѓе кои седеле пред вас на веце-школката.
Простор за ширење на бактериите има многу – од самата школка, даската, четката за миење на школката, рачката на вратата, сапунот за миење на рацете.
Јасно ви е – бањата е место кое, особено поради топлината предизвикана од тушот, е „рај“ за бактериите
Познатата докторка специјализирана за хигиена Лиза Акерли за британски „Сан“ вели дека „зависниците од мобилни телефони мора да се одвикнат од навиката да го носат мобилниот телефон (буквално) насекаде со себе, бидејќи никогаш не се знае како вашиот организам ќе реагира на некои од бактериите.
Многу болести не се забележуваат веднаш, па така некој член од семејството може со себе да пренесе вирус, кој после два до три дена ќе се покаже како настинка, а вие дотогаш истите бактерии, на пример, од рачките на вратата, сте ги пренеле на мобилниот телефон кој го носите секаде со вас.
„Меѓу бактериите може да има се, па и салмонела“, објаснила д-р Акерли. Ризикот се зголемува ако тоа е јавен тоалет или кој било тоалет што го користат повеќе луѓе, на работа, во трговски центри или, пак, на гости. Затоа, имајте на ум, дека ризикот да „соберете“ нешто е многу помал доколку не го носите мобилниот телефон со себе додека вршите нужда.
