![soda](https://panacea.mk/wp-content/uploads/2018/06/soda-696x359.jpg)
Сода бикарбоната е производ кој може да се користи за различни цели, од грижа за здравјето до корисно средство за чистење во домот, за освежување и хигиена на телото и на лицето…
Забна паста
Измешајте сода бикарбона со хидроген 3 %, и на тој начин ќе добиете паста за заби која не содржи флуор.
Пилинг за лице
Направете си сопствено средство за пилинг, така што ќе помешате сода бикарбона со вода, во сооднос 3:1. Пополека втријте ја смесата со кружни движења на кожата и исплакнете. Ова средство за пилинг може да го користите секојдневно.
Дезодоранс
Ставете малку сода бикарбона под пазувите со што би го неутрализирале непријатниот мирис на телото. Одлична е како алтернатива за интензивните дезодоранси.
Антацид
Сода бикарбоната е безбедна и ефикасна за ублажување на желудочната киселина, надразнетиот желудник и при надуеност на стомакот.
Купка
Додадете половина мала шолја сода бикарбона во својата купка со што ќе ја неутрализирате киселината на кожата, ќе го отстраните масниот слој на неа и ќе ја освежите кожата. Вашата кожа ќе биде мека веднаш.
Нега на стапала
Ставете три лажици сода бикарбона во леген со топла вода, ставете ги стапалата и полека истријте ги.
Перење алишта
Вашата облека ќе биде уште почиста ако во прашокот за перење додадете половина шолја сода бикарбона. Подобрата pH рамнотежа во машината за перење значи почиста, посветла и посвежа облека.
Отстранување на масни дамки
Сода бикарбоната може да се користи и за отстранување на дамки од маснотии. Истурете на валканото место и добро истријте со сунѓерче или со четка.
Освежете го ладилникот
Оставете отворена кутија со сода бикарбона во ладилникот со што ќе ја неутрализирате непријатната миризба од него.
Чистење на овошје и зеленчук
Сода бикарбоната е сигурен начин за чистење на овошјето и на зеленчукот. Оставете ги да отстојат половина час во вода во која сте раствориле една кафена лажичка сода бикарбона. Доколку немате време за тоа, натопете крпа на која сте ставиле малку сода. Протријте го овошјето или зеленчукот и измијте го со вода.
Свежо цвеќе
Вашето цвеќе во вазна може подолго да остане свежо ако додадете во водата една лажичка сода бикарбона.
Лекување акни
Направете паста од сода бикарбона и од вода. Смесата ставете ја на лице, но не подолго од 5-7 минути. Исплакнете со ладна вода.