Истражувачите се уште учат за чудните симптоми кои кај некои лица се појавуваат, а кај други не.
ГУБЕЊЕ НА МИРИС И ВКУС
Д-р Али Џejмхдор вели дека губењето на сетилото за мирис и вкус веќе го знаеме како вообичаен знак на инфекција со ‘оригиналниот’ сој на коронавирусот. При зараза со делта сојот, помалку се зборува за овој симптом, а откако омикрон стана доминантен сој за него речиси и да не се зборува.
Некои луѓе биле без овие сетила неколку часа, некои со денови, а на некои не им се вратени мирисот и вкусот и по повеќе од една година од прележаната инфекција.
Не постои медицинско објаснување за ова, но за среќа, бројот на забележани случаеви е се помал.
ПРОЛИВ
Д-р Мајкл Хрт од Универзитетот Харвард вели дека поголемиот број лица кои се борат со овој симтпом поради КОВИД-19 мислат дека се затруле со храна или едноставно изеле нешто што не им одговара.
Ова е толку чест симптом да јавното здравство спроведува анализи од отпадни води за да ја следи изложеноста на вирусот.
КОЖЕН ОСИП
“Осипите се навистина чуден симптом на КОВИД-19. Се појавуваат на телото, главата, дури и на ножните прсти и изгледаат како модринки. Многу луѓе кои ќе се заразат со омикрон добиваат многу силна болка во грлото, а тоа не беше случај со претходните соеви. Се чини дека луѓето или имаат минимално затнат нос и ги гребе во грлото или навистина се разболуваат со главоболка, вртоглавица, кашлица и треска“, објаснува д-р Тереза Бартлет.
ТИНИТУС
Тинитус или зуење во увото повремено пријавуваат пациенти заразени со КОВИД-19 или откако примиле вакцина против ковид.
Тинитусот обично е знак на оштетување на внатрешното уво.
Директна врска помеѓу тинитус и КОВИД-19 не е потврдена, една од можностите е да го предизвикува цитокинската бура која се појавува кај заболените од КОВИД-19. Ако се утврди дека постои оваа врска, пациентите кои се под поголем ризик од губење на слухот (оние кои боледуваат од дијабетес, срцеви болести или од некоја друга причина се под ризик од губење на слухот), ќе бидат поранливи и заболувањето од КОВИД-19 може да ги забрза патолошките процеси.
СИМПТОМИ ВО УСТАТА
Според зборовите на стоматологот Мансија Оз “вирусот се врзува за клетките во устата“.
На тој начин влегува во крвотокот и се шири низ телото. Резултат на тоа може да бидат симптоми кои би можеле да ги забележите во устата:
- Губење на вкус
- Сува уста
- Бели наслаги на јазикот
- Бојата и текстурата на јазикот се менуваат
Дали сте почувствувале некои од овие чудни симптоми?
