Ако оваа појава за многумина е табу тема за која нема лесно да зборуваат пред другите, вистина е дека тоа е чест проблем кој погодува многу луѓе. А причините можат да бидат премалку движење, стрес, старост, лекови, некои витамини, премалку влакна и вода во исхраната, но, исто така, може да биде и нуспојава на некои други болести што прво би требало да се излекуваат за да се придвижат цревата. Иако запекот може да изгледа како безопасен, не е така додека трае со месеци затоа што човекот за сето време не се чувствува пријатно во сопствената кожа.
Го карактеризира отежната или ретка дефекација, твдра столица или чувство на непотполно празнење на цревата. Според статистиката отприлика секоја десетта личност има проблеми со нередовно празнење на цревата. Запекот е важно да се излекува не само заради болката и нервозата која ја создава, туку и од причина што отпадните материи во телото би требало да се задржуваат што е можно пократко.
Понекогаш и покрај тоа што се држиме до сите упатства, кои би требало да го отстранат, тој и понатаму е тука. Затоа е важно да се пробаат природни помагачи, а меѓу нив најдобар е џемот кој го смислила канадската Ветеранска болница од Квебек и го испитала на четириесеттина повозрасни луѓе.
Пациентите кои имале проблем со запек во просек јаделе по една голема лажица џем на ден, што им ја зголемило зачестеноста за празнење на цревата и ја намалило потребата за лаксативи во споредба со оние кои не јаделе џем.
Рецепт за магичниот лаксативен џем
Потребни состојки: 150 г урми (1 поголем филџан), 150 г суви сливи (1 поголем филџан), 1,5 филџан провриена вода (за погуст џем и помалку).
Начин на приготвување: Исечкајте ги урмите и сливите на парчиња. Ставете ги во вода што врие и варете ги додека смесата не се згусне. Добиеното количество би требало да биде доволно за 20 порции од 1 лажица. Овој џем е погоден за сите возрасти. Можете да го консумирате самостојно, да го мачкате на леб, да го додадете во јогурт, снегулки…
Тајната на сувите сливи и урмите
Сувите сливи имаат хранливо и лаксативно влијание, па со децении се препорачуваат за таа цел. Богати се со влакна и сорбитол кому му се припишува лаксативен ефект. Го содржат дури 15 пати повеќе од останатото овошје. Сорбитолот е вид на алкохолен шеќер кој можат да го консумираат и дијабетичарите затоа што не бара лачење на инсулин. Во цревата се преработува мошне бавно и доаѓа во дебелото црево најчесто напола преработен затоа што доведува до помеки столици.
Урмите некои ги викаат најздраво овошје на земјата. Тие се добар извор на природни влакна кои во организмот се неопходни за добра работа на цревата. По својот состав урмите се вистинска мултивитаминска бомба, која можат да ја користат и децата и возрасните. Од анемија, преку висок крвен притисок, холестерол, па се до рак. Урмите прават рамнотежа кога е столицата во прашање, па се користат како лек при дијареа, но и тврда столица. Во САД урмите се пакуваат во мали шишенца како лекови и затоа се пропишуваат како лек за запек. Урмите може да се користат за лекување на цревните тегоби, ја поттикнуваат функцијата на цревата и го помагаат развојот на корисните бактерии во цревата.
Совети за исхрана за постигнување редовни столици:
Пијте многу вода; Јадете храна со повеќе влакна: овошје, зеленчук и никулци; Влакната постепено воведувајте ги во исхраната и одбегнувајте лаксативи затоа што постојат многу природни методи со кои можете да си помогнете; На децата не им давајте никулци; Одбегнувајте кофеин и млеко.
