Мастите дефинитивно не се наш непријател – напротив, без нив не би можеле да функционираме. Клучот лежи во изборот на вистинските масти, вклучувајќи ги оние кои се наоѓаат во оревите, маслиновото масло, рибата и авокадото.
Авокадото има нежна и мека текстура и го чува нашето здравје. Со неговото секојдневно консумирање ќе внесете богат извор на масти, но без страв дека ќе се здебелите. Авокадото е богато со мононезаситени масти, кои го чуваат здравјето на срцето.
Ова овошје, исто така, нуди повеќе од 14 минерали, есенцијални аминокиселини, растителни влакна, витамини од Б-комплексот, витамин К и многу повеќе. Без нашето здравје, немаме многу, а за да го зачуваме треба да се насочиме кон добро избалансирана, стабилна исхрана.
Од авокадото не само што добиваме широк спектар на хранливи материи, туку тоа, исто така, помага да се контролира холестеролот. Со текот на време хранливите материи кои се наоѓаат во авокадото ќе ви помогнат да се заштитите од болести како што се рак, срцеви болести, болести на мозокот, дегенеративни состојби на окото и многу повеќе.
Во една студија, истражувачите ги следеле навиките во исхраната на луѓето кои јаделе авокадо. Учествувале речиси 18 000 луѓе и било утврдено дека оние кои јаделе авокадо биле многу поздрави од оние кои го избегнувале.
Има повеќе калиум отколку бананата
Авокадо, исто така, има значително повеќе калиум од бананите. За жал, многу луѓе не внесуваат доволно калиум, што може да доведе до голем број на компликации. За споредба, кога се консумираат високи концентрации на овој минерал поединците имаат помал ризик од затајување на бубрезите, мозочен и срцев удар.
Авокадо навистина може да направи чуда за сите аспекти на вашето здравје и поради тоа го заслужува своето место во чинијата. Ова се само некои од неговите предности:
- Добро е за здравјето на очите;
- Помага при губење на тежината;
- Го регулира нивото на шеќер во крвта;
- Има антиканцерогено и антиинфламаторно дејство;
- Ја олеснува болката и помага при артритис;
- Одржува здрав имунолошки систем;
- Одлично е за кожата;
- Помага при појава на лош здив.
