Болката и во овој случај е одбранбен механизам кој ни јавува дека нешто со забите не е во ред, па шансите се големи дека ќе реагирате и посетите стоматолог на време, смета д-р Џулиус Манц, од Американската асоцијација на стоматолози.
“Ако гризнете нешто студено или жешко, или ако забот при коренот е веќе доволно истрошен, ќе почувствувате болка поради која ќе внимавате да не гризете на таа страна и така ќе го пазите забот. Значи, се работи првенствено за заштитен механизам“, смета д-р Манц и додава дека би било полошо да не се чувствува болка и на тој начин забот до крај да се оштети.
БОЛНА ЗАБНА ПУЛПА
Забната пулпа е меко ткиво проткаено со нервни влакна, се наоѓа во средината на забот и е опкружена со дентин (внатрешен слој на забот) и глеѓ. Се работи за најчувствителниот дел на забот и оштетувањата може да предизвикаат силна болка, оти тука се наоѓаат и нерви и крвни садови.
“Болката е единствен начин на кој пулпата знае да одговори на топло/ладно и слични надразби. На пример ако испиете нешто многу жешко, пулпата ќе одговори така што ќе почувствувате болка“, појаснува д-р Манц.
ОШТЕТЕН ЛИГАМЕНТ
Пулпата не е единствен извор на болка. Пародонтниот лигамент, кој служи како сврзно ткиво помеѓу забот и коската, исто така може да биде причина.
“Кој и да бил кај ортодонт, ќе каже дека забите му се болни, што доаѓа од чувствителноста на пародонталниот лигамент“, вели д-р Манц.
Како и пулпата, и лигаментот може да биде чувствителен и да дава исти симптоми, што го отежнува препознавањето од каде доаѓа болката. Поради тоа, клучно е да се посети стоматолог, за да се утврди точниот извор на болка.
