Женското тело поради месечните циклуси постојано е изложено на промени. Иако во повеќето случаи станува збор за минлива тегоба која не треба премногу да ве загрижува, постојат и ситуации кога е мудро да се побара лекарска помош.
Што се може да предизвика продбодување во долниот дел од стомакот и што во такви ситуации е препорачливо да се направи?
Болки во текот на овулацијата
ПРОБЛЕМ: Околу 40% од жените ја чувствуваат овулацијата, Потешкотиите се јавува во средината на циклусот, само на едната страна на долниот дел од стомакот. Жената може да чувствува лесни бодежи или краткотрајна тежина. Но, може да почувствува и болни грчеви кои може да потраат и неколку дена.
ПРИЧИНА: Причините за оваа појава до денес не се разјаснети. Научниците претпоставуваат дека до болката доаѓа поради пукање на меурчињата во кои се наоѓа јајце клетката. Освен тоа, течноста која излегува во моментот на овулација може да го надразни ѕидот на стомакот.
ПОМОШ: Како и при менструалните тегоби, и во овој случај помага топлина.
Вагинална инфекција
ПРОБЛЕМ: Лесен притисок во долниот дел на стомакот проследен со чешање може да укажува на габична инфекција во матката. При тоа често се јавува и исцедок.
ПРИЧИНА: Секоја жена во себе носи мала количина на габички, а проблемите настапуваат кога тие премногу ќе се размножат. Тоа секогаш се случува при пореметување на вагиналната флора. Причини може да бидат разни инфекции, терапија со антибиотици или земање на контрацептивни апчиња.
ПОМОШ: Вагинални креми и вагиналети нудат сигурна помош, но исклучиво во консултација со гинеколог.
Цисти кои се зголемуваат
ПРОБЛЕМ: Цистите се шуплини исполнети со течност во или на јајчникот. Ако се многу мали, не може да се почувствуваат. Ако цистите станат поголеми, може да дојде до болни или нередовни крварења. Понекогаш тие ги притискаат органите и предизвикуваат болки во грбот или во долниот дел од стомакот.
ПРИЧИНА: Цистите најчесто настануваат кога изостанува овулацијата, па не доаѓа до прскање на меурчињата во кои се наоѓа јајце клетката. Можни причини за појава на цисти се и ендометриоза, проблеми со штитната желзда или хормонска терапија.
ПОМОШ: Цистите најчесто исчезнуваат сами од себе по два до три циклуса. Сепак, направете гинеколошки преглед.
