Најчесто на луѓето им недостасува витаминот Б12, што може да предизвика разни здравствени компликации како тежок замор, губење на здив и забрзана работа на срцето. Ова се случува затоа што недостатокот на Б12 може да го намали бројот на црвени крвни зрнца. Освен тоа може да се јави умор, трнци во рацете и нозете. Премалите залихи на Б12 негативно влијаат и на нервниот систем, а заради недостатокот на овој витамин се чувствуваме раздразливо, имаме проблем со паметењето и може да дојде до депресија. Исто така, може да се појават и афти во устата. Стручњаците велат дека со стареењето ја губиме способноста за апсорпција на витаминот Б 12 од храната.
Најсклони на недостаток на витамин Б12 се вегетаријанците, веганите, личностите кои имаат проблеми со варењето или имале операција на желудникот или цревата. Алкохоличарите од друга страна, имаат недостаток на сите витамини од Б групата, затоа што алкохолот влијае на метаболизмот и апсорпцијата на хранливи состојки. За да се зголеми внесот на витаминот Б12 јадете месо, млечни производи и јајца.
