Несакани бремености
Ние сме болничка установа и кај нас, за жал, доаѓаат веќе со таа проблематика, значи, девојката останала бремена и сака да абортира, без да ги знае сите последици што може да ги има абортусот. А последиците може да бидат од „најбезопасни“, како што е самото психичко страдање на пациентката од чинот што ќе го доживее и преживее. Секако, не е лесно за една млада девојка да дојде и да прекине бременост, којашто можеби била и сакана, но поради икс-причини, фактори од типот „млади се, немаат егзистенција, учат или средината не одобрува“, за жал, мора да го направат тоа што, секако, остава траги и на нивната психа. Ова е можеби условно кажано најлесната последица, затоа што во склоп на тие интервенции, на пример, може да дојде и до несакана повреда на матката, па интервенцијата на крајот да заврши и со вадење на матката.
Во таа смисла, ние, гинеколозите, многу зборуваме, што некогаш има ефект кај пациентките, некоја од нив и ќе се предомисли, но сепак, акцентот треба да биде ставен на тоа да не се дојде до несакана бременост. Интервенции како што е абортусот многупати носат ризик, бидејќи станува збор за отворена комуникација помеѓу надворешната средина и вагината и матката
Ризици од абортусот
Абортусот, кај нас, законски е дозволив до 10 недела, иако мислам дека во моментов има процедура да се помести до 12 недела, како што беше и во минатото. Сметам дека е во ред да се помести границата до 12 недела (максимум) затоа што после тоа и бременоста е голема, а има и поголем ризик кога се изведува интервенцијата – и за мајката, и за лекарот.
-
Апелирам да се внимава, ова особено важи за младите кои не се во некои посериозни врски и се попромискуитетни, за да не дојде до некоја несакана бременост, па потоа да се лекуваат последиците
Ризиците од абортусот може да бидат и несакани инфекции, кои потоа може да остават траги за забременување. Како што споменав претходно, може да дојде до повреда на матката, па да мора да се отвора целиот абдомен, да се шие местото каде што е повредена матката. Имало случаи, и во литературата е тоа познато, да се повреди некој голем крвен сад, којшто ја храни матката и да нема друг излез освен да се извади матката. Тие ризици се доста големи и во принцип, пациентите кога ќе дојдат не се свесни за нив и кога ќе ги слушнат малку ќе се подзамислат. Повеќето мислат дека тоа е петминутна интервенција, којашто ќе заврши лесно и после тоа се ќе се заврши. Но кога ќе им се објаснат последиците, добро се замислуваат, па после интервенцијата, кога се ќе се заврши, барем од мое искуство истите тие пациенти доаѓаат, се информираат, разговараме околу тоа што да користат како заштита и таа едукација тука веќе има ефект.
Многу често имаме и малолетничка бременост кога треба да дојдат заедно со родителите, што е стрес и за родителот, кој треба да биде информиран затоа што детето е малолетно. Сум имал пациентка на 13-годишна возраст, која имаше несакана бременост. И сега што вие да му кажете на тоа девојче?! Да ја носи бременоста кога и самата е уште дете?! Тоа се навистина несакани бремености
Кај млади девојки најмногу препорачуваме да користат контрацептивни пилули или доколку имаат постојан партнер, најдобро е да се користи кондомот, којшто штити и од несакани инфекции и од пренесување на ХПВ-вирусот, кој е најодговорен за промените на грлото на матката.
Малолетничка бременост
Постојано им потенцирам на пациентите дека ќе ја направам интервенцијата затоа што морам, а не сакам воопшто да ја изведам, зашто се работи за живот кој некој треба да го елиминира, но изборот е, сепак, право на пациентите, а многупати се и нивните причини оправдани.
Многу често имаме и малолетничка бременост кога треба да дојдат заедно со родителите, што е стрес и за родителот, кој треба да биде информиран затоа што детето е малолетно. Сум имал пациентка на 13-годишна возраст, која имаше несакана бременост. И сега што вие да му кажете на тоа девојче?! Да ја носи бременоста кога и самата е уште дете?! Тоа се навистина несакани бремености.
Токму затоа е битна едукацијата. Но, ете, времињата се такви, а и половата зрелост кај девојките доаѓа многу рано, некаде просечно во 11 година имаат добиено циклуси и фактички се полово зрели, иако не се психички и ментално.
Криминален абортус
Апелирам колку и да биде несакана бременоста и да претставува проблем, задолжително девојките да се информираат преку разговор со своите родители и да отидат во навистина адекватна установа, како не би завршиле некаде несакано и со големи последици. Криминалните абортуси се вршат во илегални услови, во установи каде што девојките не се доволно згрижени и нема услови доколку се случи нешто, а сме имале случаи да ни дојде пациентка со компликации од абортус. Таму немаат анестезиолог, одат со некоја локална анестезија што е многу болно и не дај Боже да дојде до некоја повреда на матката. Тоа се навистина ризични состојби.
Затоа и апелирам до девојките да се обратат во адекватна установа и да не се плашат дали ќе се дознае или да стравуваат дека нивните родителите ќе дознаат. Подобро да дознаат и да бидат на безбедно место, отколку да се случи нешто. Зашто после, секако, ќе се дознае, но со последици.
