Пишува: Д-р Марта Дугоњиќ
ортопед
Кога се зборува за нервот во колкот, најчесто се работи за феморалниот нерв кој има и моторна и чувствителна функција и ја создава најголемата гранка која излегува од слабинскиот нервен сплет.
Феморалниот нерв може да настрада од повеќе причини и да предизвика чувство на трнење во пределот на препоните, предната страна на натколеницата, внатрешната страна на потколеницата и стапалата, како и да доведе до слабост и атрофија на мускулот квадрицепс, што обично задава проблеми при качувањето по скали. Воспалението на нервот во колкот се нарекува уште и феморална невропатија.
ПРИЧИНИ
Феморалната невропатија може да се појави како последица на вклештување на нервот или некои други болести и состојби поради својата анатомска положба помеѓу мускулните, коскените и лигаментните структури:
- По хируршки зафат на колкот, абдоменот, карлицата или препонската регија (замена на зглобот на колкот, хистеректомија, трансплантација на бубрег);
- Долготрајна положба на свиткани нозе во колкот до надворешна ротација ( на пример: кај танчери поради хронично преистегнување)
- Фрактура на кралицата
- Дијабетес
- Дебелина
- Тумор или израстоци на бубрегот
- Аневризма на аортата
- Хематом на мускулот
СИМПТОМИ
Симптомите се разликуваа од пациент до пациент поради положбата и тежината на оштетување на нервот:
- Болка во препонската регија
- Чувство на трнење и намален осет на допир на предната страна на натколеницата и внтарешната страна на потколеницата и во стапалата
- Слабост и атрофија на мускулот квадрицепс
- Потешкотии при одење, особено при качување
- Отежнато спуштање на нозете
- Болка во предната страна на коленото
ДИЈАГНОСТИЦИРАЊЕ
Лекарот пред се треба да направи физикален преглед и неколку тестови кои служат за проверка на функцијата на феморалниот нерв.
Како би се добила детална претстава за оштетувањето на феморалниот нерв, потребно е да се направат и електродијагностички тестови како брзина на спроведување на нервниот сигнал, електромиографија или магнетна резонанца за увид во внтрешните телесни структури кои би можеле да вршат притисок на нервот.
КОГА ДА СЕ ПОБАРА ПОМОШ ОД ЛЕКАР?
Препорачливо е лекарска помош да се побара штом забележите дека симптомите траат подолго време (подолго од 4 недели), бидејќи со раното откривање на причинаата и почеток на терапијата може да се спречи понатаможно оштетување на нервот.
ЛЕКУВАЊЕ
Терапијата е насочено на примарниот причинител на оштетувањето на феморалниот нерв. Кога ќе се елиминира или намали влијанието на причинителот, можно е опоравување на нервот.
Во многу случаи можно е и да се олеснат тегобите, откако лекарот ќе ја дијагностицира причината и ќе го советува пациентот, бидејќи може да се случи пациентот од незнаење што прави, уште повеќе да се повреди. Вежбите за истегнување и јакнење на мускулите, како и мануелна терапија (целна масажа) покажуваат позитивни ефекти во поблагите форми на воспаление на нервот.
Освен тоа, за спречување на влошувањето на воспалението на нервот, се препорачува избегнување на долготрајно седење, како и намалување на прекумерната телесна тежина.
