Оваа најсериозна форма на тополотна повреда, топлотиот удар, може да се случи кога телесната температура се искачи на 40 степен или повеќе, состојба што е најчеста во летните месеци.
Според доц. д-р Сандра Моровиќ, невролог топлотниот удар бара итно лекување.
“Ако не се лекува, може да го оштет мозокот, срцето, бубрезите и мускулите. Состојбата се влошува со одложување на лекувањето, зголемувајќи го ризикот од сериозни компликации или смрт“.
На 40 степени Целзиусови, крвно-мозочната бариера почнува да попушти. Таа го одвојува мозочното ткиво од крвотокот, спречува минување на непотребни материи од крвотокот во мозокот (честички и бактерии), истовремено носејќи кислород и хранливи материи што му се потребни на мозокот. При високи температури, може да дојде до прекумерно таложење на несакани материи во мозокот, што може да предизвика воспалителен одговор и да има негативно влијание на мозочните функции.
Исто така, високите температури можат да предизвикаат смрт на клетките. Како температурата расте, протеините се распаѓаат, предизвикувајќи смрт на клетките. Некои мозочни регии се почувствителни на топлина од другите, што ќе има влијание на симптомите. Малиот мозок е еден од најчувствителните делови на мозокот. Тоа е подрачје од мозокот задолжено за многу функции, вклучувајќи и контрола на моторните функции. Во малиот мозок е голема концентрацијата на Пуркинеови клетки, кои се исклучително чувствителни на високи температури. При доволно високи температури и останатите клетки почуваат да пропаѓаат.
ЗНАЦИТЕ И СИМПТОМИТЕ НА ТОПЛОТЕН УДАР ВКЛУЧУВААТ:
- Висока телесна температура, над 40 степени, добиена со ректален термометар, е главен знак за тополотен удар
- Променливо ментално однесување или состојба. Збунетост, вознемиреност, нарушување во говорот, раздразливост, делириум, епилептични напади и кома може да бидат последица од топлотен удар.
- Промена во потењето.
- При тополотен удар предизвикан од топлина, кожата е жешка и сува на допир. Но, при топлотен удар предизвикан од напорно вежбање, коже може да биде сува или влажна.
- Мачнина и повраќање.
- Црвенило на кожата: кожата може да стане црвена со пораст на телесната температура.
- Забрзано дишење. Дишењето може да стане плитко и брзо.
- Забрзана работа на срцето. Вашиот пулс може значајно да се зголеми оти топлотниот стрес става огромно оптоварување на вашето срце, за да ви помогне во ладење а вашето тело.
- Главоболка
КОГА ДА ПОСЕТИТЕ ЛЕКАР?
- Ако мислите дека лице може да доживее топлотен удар, побарајте веднаш медицинска помош
- Повикајте Брза помош
- Превземете веднаш мерки за ладење на прегреаното лице, додека чекате лекарска помош. Однесете го лицето во ладовина или разладена просторија и соблечете му ја вишокот облека
- Разладувајте го лицето со вода, туширање, разладувајте го со вентилатор, мраз, или лицето покријте го со мокри крпи, ставете ги на главата, вратот, пазувите и препоните.
