Д-р Валентина Митрова: АЛЕРГИЈА НА ПОЛЕН – Препознајте ги симптомите и помогнете си навреме

За да се постави точна дијагноза и кои алергени ја предизвикуваат алергиската реакција, потребна е консултација со лекар и по негова препорака да се направат соодветни алерго-тестови.

Пишува: д-р Валентина Митрова

Специјалист по општа и семејна медицина


Пролета е на прагот и не повикува да уживаме во нејзините благодати и убавини, да го искористиме секој миг да уживаме во чистиот воздух, сонцето и прекрасните бои, да ги наполниме батериите и  да се ослободиме од стресот надополнет со тековната пандемија на КОВИД- 19 која се уште трае .

Во сите овие благодати за жал не можат да уживаат околу 2/3 од населението, кои што имаат проблеми со алергиите, особено оние кои што се чувствителни на полен. За  жал ова бројка константно се зголемува и за некои претставува сериозен здравствен проблем.

ШТО Е АЛЕРГИЈА ?

Пречувствителност на некои супстанци што можеме да ги вдишиме, да дојдеме во директен контакт со нив, да ги внесеме преку храна и истите можат да предизвикаат алергиска реакција која пак претставува одговор на нашиот имун систем на внесените алергени.

ЗНАЦИ ЗА АЛЕРГИЈА НА ПОЛЕН

  • Кивање (неколу пати по ред)
  • Бистар секрет од нос
  • Чешање или пецкање на очите
  • Гребење и сензација на чешкање во грлото
  • Црвенило и солзење на очите
  • Кашлица

Овие симптоми најчесто се јавуваат при изложеност на полен, после прошетки во природа, парк, шума или градина. За некои лица овие симптоми се лесни и минливи, додека за други сериозно можат да влијаат на квалитетот на нивниот социјален живот.

За да се постави точна дијагноза и кои алергени ја предизвикуваат алергиската реакција, потребна е консултација со лекар и по негова препорака да се направат соодветни алерго-тестови.

Симптомите на алергија на полен се јавуваат напролет и можат да траат со недели или месеци, во зависност од концентрацијата на поленовите честички во воздухот и станувават поизразени во определен дел од денот.

КАКО СЕ ЛЕКУВА ?

Со лекови кои ќе помогнат да се намали интензитетот на симптомите на алергијата но не и да ја излекуваат, тоа се т.н АНТИХИСТАМИНИЦИ.

  • Имаат и несакани дејства поспаност, намалена концентрација ,замор, па поради тоа и се препорачува нивна употреба навечер пред спиење.

Постои понова генерција на овие лекови  кои ги немаа овие несакани ефекти. Тоа се ЛЕВОЦЕТИРИЗИНИ кои можат да се замаат и наутро или во текот на целиот ден кога лицата се најмногу изложени на влијанието на поленовите честички.

  • Го намалуваат кивањето, течењето на нос, чешањето и црвенилото на очите преку намалување на хистаминот во организмот.

За локална употреба во носот се препорачува употреба на спреј во нос од изотонични раствори на морска вода, за редовна тоалета на носот,  кој исто така овозможува и навлажнување на слузницата. Со  редовната употреба се отстрануваат алергените честички на полен кои сме ги вдишиле и остануваат залепени во носните ходници. Го намалуваат и отокот на носната слузница и со тоа се овозможува полесно дишење  преку нос.

ПРЕВЕНТИВНИ МЕРКИ

  • Да се избегнуваат прошетки кога концентрацијата на полен е  висока
  • Прошетките да се во дождливи денови, кога концентрацијата на полен е помала.