Може ли лице кое примило прва доза вакцина на АстраЗенека (Vaxzevria), втората доза да ја прими од вакцина од друг производител?
Европската агенција за лекови (ЕМА), Светската здравствена организација и самите производители препорачуваат да се користи иста вакцина и за првата и за втората доза.
Примената на некоја друга вакцина за втората доза кај лица кои за првата доза примиле вакцина на АстраЗенека, се смета за експериментална примена, бидејќи во овој момент нема никакви податоци за безбедноста и ефективноста на вакви комбинирани шеми на вакцинирање. Во Велика Британија, каде има најголемо искуство со примена на вакцината Vaxzevria досега сите случаи со несакани ефекти карактеризирани со тромбоза и тромбоцитопенија се случиле по првата доза вакцина и не се забележани по примената втора доза.
Стручњаците препорачуваат сите кои ќе примат прва доза АстраЗенека вакцина, да ја примат истата вакцина и за втора доза.
Единствен исклучок од правилото да двете дози вакцина треба да бидат од ист производител се ситуации кога лицето на првата доза ќе развие сериозна нуспојава (на пример, ако лицето развие пореметуување на крварење по првата доза вакцина, како поткожни крварења оддалечени од местото на примање на вакцината, крвни згрутчувања било каде во телото, кои не можат да се протолкуваат со друга причина), а тоа за секој поединечен случај да се договори со лекар кој е вклучен во лекувањето на несаканите ефекти.
