Секој од нас барем еднаш се нашол во ситуација кога бил принуден да користи јавен тоалет. Навистината не е пријатно, но понекогаш немаме избор. Особено сега, во летните месеци, кога поголемиот дел од времето го поминуваме на отворено.
На што треба да внимавате кога користите јавен тоалет – во продолжение ви донесуваме неколку препораки.
Имено, никој не знае колку бактерии се наоѓаат под ве-це школката или на капакот. Некои истражувања покажуваат дека во нашата близина се постојано присутни повеќе од 50 000 различни микроорганизми. Исто така, постојат и цели колонии на бактерии на подот, ѕидовите, рачките на вратите и држачите за течен сапун.
Внимавајте на деталите
Пред да го користите јавниот тоалет, обратете внимание на некои детали. Секој од нив би требало да има сапун за миење раце, тоалетна хартија и распоред на чистење на ѕидот. Последниот запишан датум на расоредот треба да биде денешен, а временските интервали не смеат да бидат подолги од неколку часа.
Одберете ја првата кабина
Истражувањата покажуваат дека од две јавни кабини, повеќето луѓе ја избираат втората. Значи, ако одлучите да користите јавен тоалет, влезете во првата кабина.
Внимавајте каде ја оставате ташната
Ако мора некаде да се остави ташната или торбата, најдобро е да ја оставите надвор од тоалетот. Но, ако немате некој да ја држи торбата, не ја оставајте на подот, туку закачете ја на куката на вратата или ставете ја врз казанчето.
Не седете на школката
Ако сакате да ги избегнете бактериите кои се наоѓаат во јавните тоалети, никогаш немојте да седите на ве-це школката! Дури и ако ја наредите со тоалетна хартија!
Измијте ги добро рацете
Мијте ги рацете со сапун и вода најмалку 1 минута. Запомнете дека го допирате лицето 2 до 25 пати во минута, па затоа не заборавајте да се придржувате до ова правило!
