Најновите истражувања покажале дека консумирањето пиво или некој друг алкохол е добро за здравјето. Но клучниот збор е УМЕРЕНОСТА. Докажано е дека луѓето кои умерено консумираат алкохол живеат подолго од оние кои воопшто или прекумерно го консумираат.
Добро е за срцето
Пивото, особено темното е извор на растворливи влакна заради јачменот од кој се произведува. Влакната помагаат да се намали нивото на „лошиот“ холестерол во крвта, а го подигаат нивото на „добриот“ холестерол, што ќе го намали ризикот од срцеви болести. Дополнителни предности се хмељот и сладот во пивото кои се одлични антиоксиданти. Но морате да го имате на ум тоа дека здравствените придобивки главно се видливи кај мажите и жените на средна возраст. Значи, со пиење пиво во 30-те години нема да спречите срцев удар кога ќе наполните 50.
Одбегнете „пивски стомак“
Премногу пиво може да доведе до пивски стомак, но едно пиво на ден може да придонесе да ја одбегнете склоноста кон дебелеење. Причина за тоа се горчливите материи кои ги содржи хмељот.
Чаша пиво е добра за бубрезите
Соединенијата во хмељот го забавуваат ослободувањето на калциум во коските, што придонесува за намалување на опасноста од појава на бубрежни камчиња кај мажите. Испијте чаша пиво на ден за да ги одбегнете овие болни камчиња.
За подобра кожа
Пивото е природен лек за кожата. Додадете две филџанчиња пиво во топлата бања и тоа ќе помогне за псоријазата и другите кожни болести благодарение на хмељот.
Добро е за здравјето на коските
Едно ладно пиво на ден добро ќе им дојде и на коските. Тајната е во силициумот, кој го поттикнува производството на колаген, а тоа е протеин кој ја зголемува густината на коските и ги одржува зглобовите пофлексибилни. Пивото од јачмен е најдобро за спречување остеопороза.
