Сонот кој се состои од повеќе фази, често се поврзува за едно од најгенијалните имиња во светот на уметноста и пронаоѓачот на ренесансната ера, Леонардо да Винчи. Му требало многу време да ги развие своите идеи – време кое често го немал. Сакал да го искористи максимално времето за работа, а минимум за спиење. Тој план подразбирал да го “раздели“ нормалниот период на ноќниот одмор на неколку делови – односно повеќе фази, што довело до пракса на спиење неколку пати во текот на денот.
Така Да Винчи спиел по 15 минути на секои четири часа. Како резултат на ова, спиел час и половина на ден.
Времето кое го заштедил од одморањето, почнал да го користи за креативна работа. Да Винчи рекол дека ја користел оваа метода во период од многу години на својот живот, и никогаш не почувствувал замор.
Познато е дека во физиолошки услови, најпродуктивно време за работа и креативност е по спиење. Ова е време кога капацитетот на личноста за работа е особено висок. Прекинувајќи го будното време, секои четири часа со период на краток одмор води до зголемување на капациетот на работата, што е директна последица на ваквиот одмор.
Годините вежбање и експериментирање на оние кои го следеле примерот на Да Винчи, довеле до избор на најефикасните варијации на повеќефазниот сон:
- Спиење 30 минути на секои 6 часа (dymaxion метода)
- Спиење 20 минути на секои 4 часа (uberman метода)
- Спиење навечер 1,5-3 часа и три пати во текот на денот по 20 минути (everyman метода)
- Спиење навечер 2 часа и еднаш попладне 20 минути (tesla метода)
- Спиење навечер 5 часа и еден час и половина попладне (siesta метода)
Сепак, треба да се има на ум дека тоа е индивидуално, а различните типови на повеќефазниот сон можеби не се за секого.
Стручњаците предупредуваат да, доколку планирате да преминете на ваков одмор – работа распоред, не возете автомобил и не донесувајте важни одлуки додека не бидете апсолутно сигурни дека недостатокот на сон нема некои последици. Може да се каже дека ваквиот распоред има смисол во краток период кога имате многу работа, а не постојано. Сонот е многу драгоцен за телото и умот, а само една непроспиена ноќ не може да се надомести.
