Истражувања потврдиле дека прекумерното консумирање алкохолни пијалаци може да доведе до дисбиоза, т.е. дисбаланс на цревната флора. Меѓутоа кога станува збор за умереното пиење алкохол, тука резултатите се нешто поразлични. Имено, една студија ги истражила ефектите на три вида алкохолни пијалаци врз цревната флора.
Во период од дванаесет дена, една група испитаници секојдневно пиела по 272 мл црно вино, друга исто количество деалкохолизирано вино, а третата 100 мл џин. Кај испитаниците кои секојдневно пиеле џин дошло до намалување на количеството корисни цревни бактерии, додека црното вино го зголемило бројот на овие бактерии и дури го намалило бројот на штетни бактерии како што е клостридијата. За овој ефект на умерено консумирање вино најверојатно заслужни се полифенолите.
