Замислете што се се наталожува на нив, од мртви клетки до восок од уши и бактерии. Многу е важно редовно да ги чистите слушалките за да го намалите ризикот од инфекција.
Според студијата објавена во списанието „Online Journal of Health and Allied Sciences“, честата употреба на слушалки, кои се ставаат директно во увото го зголемува размножувањето на бактериите. Покрај тоа, за време на вежбањето или во време на големи жештини дополнително и засилено се потите, а тоа придонесува за развој на лоши бактерии, пишува „Дејли мејл“.
Користењето на слушалките додека телото произведува голема количина на пот може да доведе до т.н. пливачко уво (воспаление на надворешното уво), болна инфекција на ушниот канал
„Општото воспаление на ушниот канал може да биде предизвикано од голем број на бактерии, поретко габи. Некои луѓе, вклучувајќи ги и оние со алергии, псоријаза, егзема или воспаление на кожата на главата, се особено склони кон воспаление на ушниот канал. До тоа често доведува повреда при чистење или влегување на вода во увото, односно надразнувачи како што се спреј или боја за коса.
Симптоми на воспаление се силна болка, чешање и исцедок со непријатен мирис. Исто така, слухот е послаб и увото е чувствително на допир. Воспалението на увото се лекува со антибиотски капки
Восок од ушите се нарекува церумен, а во ушниот канал настанува како последица на работата на церуминозните жлезди. Тој дополнително се меша со остатоците од мртвите клетки на кожата, ситните честички нечистотија, а може да се најде и понекое влакно од увото. Значи, кога ќе земете туѓи слушалки, најпрво визуелизирајте што се би можело да има на нив и брзо ќе се предомислите. Исто е и со позајмувањето на вашите слушалки на други лица.
Експертите предупредуваат дека споделувањето на вашите слушалки со други не е добра идеја и треба да се избегнува. Причина се токму бактериите кои може да се најдат во вашите, но и туѓите уши, а преку слушалките ќе ги префрлите едни на други. Освен бактерии, на слушалките остануваат и туѓиот восок и мртвите клетки, а тоа е нешто што сигурно не сакате да го ставите во вашите уши.
„За време на истражувањето на нашиот универзитет, пронајдовме штетни бактерии на 92 проценти од слушалките и тоа кај луѓе кои редовно ги делат со другите. За споредба, луѓето кои не ги делеле слушалките со други пречесто, опасни бактерии имало само на осум проценти од нив, објаснил д-р Чиранјау Мукхопадија од Универзитетот Манипал во Индија, додавајќи дека делењето на слушалки со други лица не е паметно, освен ако не се темелно исчистени пред и потоа.
