Сигурно повеќе пати, во текот на детството од родителите, но и од околината, сте слушнале дека не треба да читате во темница затоа што така ќе си го „расипете“ видот.
Стручњаците сметаат дека заради оваа навика нема да станете кратковиди, ниту ќе дојде до развој на глауком.
Меѓутоа како резултат на читање и работа при лоша светлина може да дојде до замор на очите. Овој проблем го карактеризираат следните симптоми: сувост и иритираност на очите, заматен вид, потешкотии во фокусирањето на одредени предмети, болки во главата и вратот. Заморот на очите често се јавува и кај луѓето кои многу време поминуваат работејќи на компјутер, па затоа бидете внимателни и после извесно време поминато пред вашиот компјутер, направете куса пауза!
