Црниот дроб е еден од најголемите органи во телото и најголема “фабрика“ со низа важни функции: во него се одвива метаболизмот на сите макронутриенти; јаглехидрати, белковини и масти, но и елиминација на штетните продукти од метаболизмот, лекови, токсини… Од ова, веќе е јасно колку е важно да се внимава на здравјето на црниот дроб.
ЗА ШТО СЛУЖИ И ШТО Е ДЕТОКСИКАЦИЈА НА ЦРНИОТ ДРОБ?
Детоксикацијата на црниот дроб се спроведува со цел на “чистење“ и регенрација на клетките на црниот дроб доколку постојат оштетувања по негативното делување на штетните материи. Се смета дека помага ако сте на диета, и за зачувување на целокупното здравје.
За своето здравје може да направите многу работи, а ако мислите дека ви е потребна детоксикација на црниот дроб, мора да знаете дека тоа нема да направи многу за вас. Со оглед дека црниот дроб го чисти организмот од отрови, многумина сметаат дека лесно ќе го решат проблемот со преголем внес на алкохол или други штетни материи, така што ќе го исчистат црниот дроб со напитоци.
Како и многу други рецепти за детоксикација и тој за црн дроб содржи специфични упатства. Можеби ќе се упати неколку денови да пиете само сокови и течности. Или да јадете одредени намирници или додатоци на исхрана.
Постојат медицински третмани за лекување на црниот дроб, но ништо досега не докажало дека план за детоксикација може да помогне ако е во прашање оштетување на црниот дроб. Вистина е дека детоксикацијата понекогаш може и да му наштети на здравјето на црниот дроб – студии покажале дека одредени супстанци може да предизвикаат последици слични на оние при хепатитис, а тука се и проблемите со инфекции и електролити.
ШТО ТРЕБА ДА ЗНАЕТЕ:
- Соковите кои не се пастеризирани може да предизвикаат мачнини, особено ако сте повозрасни или имате послаб имун систем.
- Ако имате болест на бубрезите, детоксикацијата која вклучува големи количини сокови може лошо да влијае на црниот дроб.
- Доколку имате дијабетес, поразговарајте со лекар пред да ја промените исхраната.
- Доколку постите, може да се јават главоболки или дехидрација.
- Не постојат научни докази дека со чистење на црниот дроб позитивно влијаете на остатокот од организмот.
Лекарите велат дека детоксикацијата не е важна за здравјето на црниот дроб или за организмот. Нема докази дека успешно ќе се ослободите од токсините кои сте ги внеле во себе.
Целокупното здравје, исхрана, стил на живот и околината влијаат на здравјето на црниот дроб. Програмите за детоксикација не лекуваат, ниту превенираат болести.
