Се почеста е загриженоста дали варијантата В.1.1.7 на коронавирусот, која прв пат е откриена во Велика Британија, може да предизвика повеќе инфекции кај децата.
Лабораториските студии сугерираат дека варијантата В.1.1.7 има мутација која му олеснува да вирусот да се прикачи за нашите клетки и да предизвика инфекција – што би можело да биде причината зошто повеќе деца заболуваат од оваа болест.
Поради тоа, брзото вакцинирање на возрасните кои се во близина или живеат со деца, пресудно. Децата за време на пандемијата главно беа поштедени, веројатно оти коронавирусот потешко се врзува за рецепторите во нивните клетки во споредба со возрасните.
Но, лабораториските студии не ја кажуваат целата приказна, велат стручњаците, и важно е да се согледаат и останатите фактори кои учествуваат во оваа игра.
Се чини дека варијантата В.1.1.7 не предизвикува потешка форма на болеста кај децата, па дури и во Британија голем број млади луѓе кои заболуваат од варијантата, имаат благи симптоми.
Нејасно е колку младите лесно ја шират болеста КОВИД-19 на други, но стручњаците се согласуваат дека возрасните кои поминуваат време или живеат со деца кои имаат ризик на изложеност, треба да им се даде приоритет за вакцинирање.
ГИ ШТИТАТ НЕРАЗВИЕНИТЕ СИНУСИ
Имено, детските синуси се неразвиени и имаат помалку АСЕ-2 рецептори (место на кое коронавирусот се врзува за нашите клетки) од возрасните. Стручњаците веруваат дека поради тоа децата се заштитени од сериозна форма на КОВИД-19.
Според д-р Џеј Леви, виролог и медицински професор на Универзитетот Калифорнија, лабораториските студии сугерираат дека варијантата В.1.1.7 може со поголема сила да се прицврсти на АСЕ-2 рецепторите, отколку претходните варијанти на вирусот.
“Ако е ова вирус кој се врзува со многу поробусна природа, тогаш може да има помалку простор за врзување и се уште да заразува“, вели д-р Леви. Оваа теорија може да го објасни влошувањето на случаеви помеѓу младите, но во игра веројатно се и други фактори.
Дури и ако повеќе деца имаат позитивен тест отколку што имале во претходните бранови, тоа едноставно може да биде затоа што одредени подрачја имаат поголема преваленца на SARS-CoV-2, како што сугерира истражување од Обединетото Кралство.
Ако децата имаат поголеми шанси да заболат од варијантата В.1.1.7, Леви вели дека е важно да се праша дали сега имаат потешка болест или симптоми на настинка.
Најновите податоци покажуваат дека В.1.1.7 не ја има променето стапката на хоспитализации кај децата и дека посериозна форма на КОВИД-19 ретко ги погаѓа децата.
КОЛКУ ОД ЗАРАЗЕНИТЕ РЕАЛНО И ЌЕ СЕ РАЗБОЛАТ?
“Кај помладите од 18 години, нема докази за појава на почести случаи на сериозна форма на болеста“, вели д-р Моника Ганди, специјалист за заразни болести и професор на Универзитетот Калифорнија.
Варијантата со која е полесно пренесувањето, природно би довела до повеќе случаи и на крајот и до повеќе смртни случаи – но се чини дека клиничкиот тек со сигурен извор на болеста предизвикана од В.1.1.7 не е поинаков.
“Не гледам дека е повирулентен“, вели д-р Леви напоменувајќи дека е непознато колку децата кои ќе се заразат со КОВИД-19 реално и ќе се разболат.
Ако децата добијат поблага инфекција како настинка, нејасно е дали и како можат да го пренесат вирусот на други, вели тој.
Може ли поблага инфекција кај дете да се прошири и да предизвика тешка форма на болеста кај возрасни лица со ризик?
“Можно е, но ние тоа не го знаеме“, објаснува д-р Леви.
