Според познавачите на приликите оваа не така славна статистика се должи, пред се, на развојот на технологијата и достапноста на содржините преку неа кои за децата се примамливи. Оттука велат тие, е и недоволната физичка активност.
Интересот за спортување кај децата, сметаат тие, може да се разбуди единствено со стручен пристап, интересни програми, едукација и постојано потсетување на лошите последици од недоволната физичка активност по нивното здравје.
Многу е важно децата од прво до петто одделение во основните училишта да имаат добра физичка програма прилагодена на нивната возраст за подоцна да имаат подобра координација на движење и полесно ги совладаат основите на кој било спорт, велат експерти од спортска медицина.
Физичкото воспитување во пониските одделенија во основните училишта се смета за најслаба алка во целиот училишен систем, што се однесува на овој предмет. Во овој период, според експертите, треба да се воведе и содржина на спортска и ритмичка гиманстика, за да не се изгуби драгоцен приод за развој на моториката и координацијата. Ова е посебно изразено кај девојчињата кај кои поради хормонални промени доаѓа до нарушување на моториката, а особено координацијата.
Сепак, родителите и наставниците треба заедно на децата постојано да им укажуваат на бенефитот штп ги нуди физикката и телесната активност. Посебно е важно да се мотивираат децата кои се мрзеливи. На вежбање и активност родителите најдобро ќе ги мотивираат преку личен пример.
