До петокот, 23 јули бројот на лица кои примиле барем една доза вакцина против КОВИД-19 изнесува 760.961. Од нив, 305.804 лица примиле две дози вакцина, стои на официјалната страна на Министерството за здравство. Просечно, на дневно ниво во земјава се вакцинираат помеѓу 4.000 и 5.000 граѓани.
Според податоците на ресорното министерство, 61% од населението над 70 години имаат примено барем една доза вакцина, додека 58% од населението над 65 години исто така се вакцинирани со една доза вакцина против коронавирусот. 53% од населението над 60 години имаат примено една доза, додека 43% од оние над 50 години, примиле една доза вакцина против КОВИД-19.
Според ваквте податоци, кои се делумни и не ја даваат јасната слика за степенот на имунизација, разбирливо е дека процесот на заштита се уште не е завршен и треба да продолжи за да се исполни потребниот колективен имунитет.
АКО СТЕ ВАКЦИНИРАНИ, СМЕЕТЕ ЛИ ДА СЕ ДРУЖИТЕ СО ПРИЈАТЕЛИ?
Одговорот може да биде и во вашето општо здравје, здравјето на лицата што се околу вас.
“Ако сте комплетно извакцинирани, повеќето интеракции за вас не претставуваат ризик, но можеби треба да знаете дали лицата со кои се дружите се вакцинирани, за дружењето да протече без ризик“, појаснуба д-р Пол Тотингал, а тоа може да значи да мора да ставите маска кога влегувате во затворен простор, а на отворено сте безбедни.
Меган Рени, професорка по итна медицина, смета дека таа во таков случај би се дружела исклучиво само на отворен простор или со маска, бидејќи иако вакцините делуваат, не би сакала да ризикува и да се зарази.
Тука е и предлогот да ако се дружите со пријатели кои не се вакцинирани, поразговарате за тоа зшто не се вакцинирани и можеби да го поделите вашето искуство по примањето на вакцина.
- Треба ли да носите маска кога сте во друштво на пријатели кои не се вакцинирани?
Стручњаците велат е во ред да продолжите со старите активности откако сте се вакцинирале, без маска или физичка дистанца, а сето тоа бидејќи се покажало деја вакцините доволно штитат од болеста.
“Во најдобар случај тие се 95% ефикасни како би не спасиле од болница, а исто така се намалува и ризизкот од инфекција, но и ризикот дека вирусот ќе се пренесе на друг“, појаснува д-р Шафнер, инфектолог.
Вакцините се дизајнирани така да спречуваат доаѓање во болница и смртни исходи. Иако вакцините одлично ја исполнуваат својата намена, не се совршени, па понекогаш сепак е потребно да се преземат одредени мерки за заштита.
ВАКЦИНИРАНИ СТЕ, НО ИМУНИТЕТОТ ВИ Е ЗАГРОЗЕН?
Ако сте вакцинирани, но имуниот систем ви е слаб поради одредени лекови или медицинска состојба што веќе ја имате, стручњаците советуваат да бидете внимателни и да носите маска во затворен простор додека лекарот не ве советува поинаку. Иако вакцината и ќе ја намали шанста да вирусот се пренесе на друго лице, лицата кои имаат послаб имунитет можеби не се доволно заштитени, дури и ако се комплетно вакцинирани. Значи, ако сметате дека имуниот систем ви е загрозен и не сакате да се изложувате на ризик, секако носете маска.
“Вакцината е одлична работа, но поради неа не се претворате во Супермен. Со оглед на новите варијанти на вирусот кои се околу нас, потребно е во некои ситуации и дополнително внимание ако мислите дека тоа е потребно за вас“, додава проф. Рени.
СМЕЕТЕ ЛИ ДА СЕ ВАКЦИНИРАТЕ, ДОКОЛКУ СТЕ ИМУНОКОМПРОМИТИРАНИ?
Лицата со имунокомпромитирачки состојби или кои земаат имуносупресивни лекови може да бидат изложени на зголемен ризик од развој на тешки форми на болеста КОВИД-19 и нејзини компликации, поради што се препорачува вакцинација доколку немаат контраиндикација за имунизација. Сепак, важно е да се истакне дека постои можност за намален имунолошки одговор, односно можност кај имунокомпромитираните лица ефикасноста на вакцината да биде помала отколку кај имунокомпетентните лица (лица со правилно функциониран имуниот систем).
Консултирајте се со вашиот лекар или лекар специјалист за оптималното време за вакцинација против КОВИД-19, кој има сеопфатен увид во вашата здравствена состојба, тековната терапија и досегашно лекување.
