Иако се мисли дека жените се оние кои најмногу трачарат, новото истражување ги фрла во вода овие врежани социјални убедувања. Имено, последната студија на оваа тема открива дека мажите се поголеми озборувачи од жените!
Истражувањето било спроведено на 1 033 возрасни лица во Велика Британија, пишува Kezk Radio. Петтина од машките испитаници одговориле дека поминуваат најмалку три часа дневно во озборување, а тоа го прават најмногу на своето работно место. Како што велат, најголемиот дел од „приказните“ се однесуваат на колешките и на тоа кој би бил следниот колега за унапредување.
55 отсто од мажите изјавиле дека озборуваат на работа, додека 46 отсто од жените го прават истото, потврдувајќи дека најчесто трачарат за семејни проблеми, стари училишни пријатели, модни грешки и соседи
Мажите најмногу сакаат да трачарат за старите училишни пријатели, најзгодната колешка на работа, унапредувања, плата и новата девојка на нивниот најдобар пријател. За разлика од жените мажите се посклони да започнат ширење на некој нов трач.
Ни дома ситуацијата не е значително поразлична. Имено, 17 отсто од мажите изјавиле дека муабетењето во кревет им е подраго од сексот, додека само 10 отсто од жените тоа го кажале за себе. Сепак, петтина од девојките и сопруги рекле дека порадо би озборувале со пријателите отколку со својот партнер.
Дали вие се согласувате со резултатите од истражувањето?
