Многу луѓе го обвинуваат метаболизмот кога ќе почнат да зголемуваат килограми со текот на годините. Но, и покрај популарното верување, метаболизмот не е основен виновник за тоа.
Зголемувањето на телесната тежина со стареењето нема голема врска со метаболизмот од проста причина: имено, по 30. година, метаболизмот речиси и воопшто не се менува, тврдат од Американскиот институт за здравје. Темпото со кое ги вариме нашите оброци и ја согоруваме енергијата не може да се промени доволно значајно за да доведе до слабеење.
Но, она што со годините се менува и што е вистинската причина за таложење на килограмите е следното: по правило, ние јадеме иста количина храна, но сме се помалку активни! Истражувањата покажуваат дека тоа е причината што килограмите се зголемуваат со возраста, а не метаболизмот.
За да се избегне дебелеење, суштински е важно редовно движење/вежбање секој ден. Тоа може да биде секоја форма на физичка активност – од пешачење, качување по скали, до одење во теретана. Најновото истражување покажало дека било кој облик на активност е подобар од никаква активност, и тоа не само да станува збор за телесната тежина, туку и за намалување на ризикот од смрт од било која причина.
