Познатиот мит дека не смееме да јадеме вечерта пред вадење крв го разнишала најновата студија.
„Истражувањето пружа силни докази дека фактот дали сме јаделе или не вечерта пред вадење крв на ниту еден начин не влијае на резултатот на холестерол ниту има врска со превенцијата од срцеви заболувања“, вели доктор Самиа Мора, авторка на истражувањето кое е објавено во изданието на JAMA Internal Medicine.
Истражувачите ги анализирале резултатите на преку осум илјади луѓе кои учествувале во едно претходно истражување – едни јаделе вечерта пред вадење крв, други не. Научниците испитаниците ги следеле во следните три години за да утврдат дали заболеле од сериозни срцеви заболувања, како што се срцев или мозочен удар.
Се покажало дека и оние кои консумирале храна вечерта пред вадење крв со таа одлука минимално влијаеле на опасноста од проблеми во иднина.
„Ова истражување има за цел да ги убеди докторите и пациентите дека нивната одлука дали ќе консумираат храна вечерта пред анализата нема никакво влијание на резултатите, а камоли на идните заболувања“, додава доктор Мора.
Таа советува дека пациентите после силните докази кои се изнесени во ова истражување би требало да се опуштат по повод овој познат мит дека не смеат да консумираат храна вечерта пред вадење крв.
