Со уринирање после сексуален однос ќе го намалите ризикот од добивање уринарна инфекција, но дали е ова навистина неопходно? Што може да се случи ако не појдете во тоалет после сексуален однос затоа што едноставно немате потреба?! Доктор Сара Бревер објаснила дали уринирањето после однос навистина влијае на нашиот организам.
Ако сте жена, ДА, треба да појдете во тоалет после интимен однос!
За време на односот бактериите можат да стигнат до уретрата каде може да дојде до нивно размножување и создавање инфекции – циститис, кој е многу почест кај жените отколку кај мажите.
Со уринирањето ги исфрламе штетните бактерии од бешиката
Уринирањето веднаш после секс спречува бактериите воопшто да стигнат до бешиката. На тој начин уретрата се испира и спречува која било бактерија која дошла тука по сексуален пат да дојде до бешиката.
Некои жени се посклони на вакви инфекции од други
Симптомите на уринарни инфекции се печење, нагон за уринирање и промена на бојата на урината. Среќа е што антибиотиците успешно ги лекуваат овие инфекции, но некои жени се поподложни на инфекции на уринарните патишта заради проблеми со бубрезите, менопауза или генетски предиспозиции.
