Младежот од кој ѕирка влакненце иритира, а многумина сметаат дека е опасно да се чепкаат тие влакненца. Дали баш ваквиот младеж е опасен? Дали смееме да ги кубеме овие влакненца? Дали би требало да појдеме на лекар? Еве го одговорот.
Младежот е израсток на кожата со кафеава или црна боја, а настанува кога клетките на кожата почнуваат да растат во гроздови место да се шират, а потемни се затоа што тие клетки произведуваат и пигмент. Обично се појавуваат до 30 година од животот и може да се рамни или релјефни и можат да потемнат како резултат на изложување на сонце, во пубертет или при бременост.
Зошто на некои младежи има влакненца?
Како и на остатокот од кожата влакното расте таму каде што има фоликули. Ако во младежот има фоликул на него ќе се појави влакненце или неколку, во зависност од тоа колку фоликули има.
Дали влакненцата се нормални?
Да, апсолутно. Генерално, жените имаат помалку телесни влакна од мажите, па кај нив и послабо се појавуваат, но во секој случај тоа е вообичаено и кај двата пола.
Зошто влакненцата на малдежите се потемни од другите?
Исто како што и кожата на делот каде што е младежот е потемна, и влакното може да биде, исто така, потемно.
Дали влакнестиот младеж значи дека е канцероген?
Не. Кој било младеж може и не мора да биде канцероген, со влакненца и без нив. Стручњаците всушност велат дека се мали шансите младежот од кој расте влакненце да биде канцероген. Зошто? Затоа што канцерогените клетки се абнормални, а ако на младежот имате влакненца значи дека можете да бидете потполно сигурни дека под него не се кријат абнормални клетки.
Дали може да се отстрануваат влакненцата?
Да, како и сите други кои ви пречат. Можете да ги бричите, кубете, да одите на депилација…
А ако влакненцето врасне во него?
И тоа може да се случи и тогаш постапувате исто како и со кое било друго влакненце.
Дали би требало младежот со влакненце да загрижува?
Не, освен доколку не покажува знаци на канцер – асиметрија, нерамен раб, различни бои, промени со текот на времето и сл. Во тој случај појдете на дерматолог.
