Кога јадете е еднакво важно како и што јадете, вели нутриционистот Тереза Шанк. Таа препорачува да се јаде два часа по будењето.
“Консумирањето на храна во овој временскиот период помага за преку целиот ден нивото на шеќер во крвта да биде постабилно, за апетитот да биде поумерен“, објаснува Шанк.
Кога нивото на шеќер во крвта не е стабилно, доаѓа до нагло чувство на глад, желба за слатко и прејадување. И секако, појадокот го покренува целиот метаболизам.
Што ако тренирате наутро?
Од тоа како вашето тело реагира на вежбање по јадењето, зависи дали да јадете пред утринскиот тренинг.
“Ако планирате да вежбате наутро, морате сами да сфатите дали на вашето тело повеќе му одговара да вежба по јадењето или на празен стомак„, вели Шанк.
Ако и малку храна ви предизвикува тегоби и мачнини за време на вежбањето, тогаш веројатно е подобро да појадувате по тренингот. Од друга страна пак, ако вежбате со празен стомак и за време на тренингот почувствувате вртоглавица или не можете да го одржите фокусот, најдобро е нешто да каснете пред вежбање. На пример, прости јаглехидрати кои се наоѓаат во бананите, а кои даваат сила за тренинг.
Ако не сакате да јадете наутро
Без оглед на тоа што можеби не сакате да јадете наутро, би требало да изедете барем нешто за појадок. Прескокнувањето на овој оброк се поврзува со зголемен ризик од дијабетес тип 2, а освен тоа, се намалува помнењето, се намалува нивото на шеќерот во крвта и се забавува метаболизмот.
“Доколку не сакате да појадувате, по будење испијте чаша вода , а потоа консумирајте нешто лесно, како чаша јогурт, тврдо варено јајце, или некое овошје. Јадењето во мали количини наутро ќе му помогне на телото да се навикне на појадокот, вели познатата нутриционистка.
