Мислењето на експертите е јасно – кафе на празен стомак никако не може да биде добра идеја! Постојат неколку причини за ова:
Се зголемува количеството на желудочна киселина
Зголеменото количество на желудочна киселина е причина за жарење во желудникот и проблеми со варењето кои може да ги чувствувате во текот на целиот ден. Високото ниво на киселост со текот на времето може да доведе со сериозни проблеми во делот на абдоменот, како чир на желудникот, синдром на иритабилно црево и рефлукс. Кафето со полош квалитет обично има поголема киселост што може дополнително да ја зголеми штетноста.
Повисоко ниво на стрес и тегоби
Пиењето преголеми количества кафе може да го зголеми чувството на стрес и тегоби, а кога кафето го пиете на празен желудник тој проблем уште повеќе се влошува. Од друга страна, храната и варењето може да делуваат смирувачки на нашиот организам. За да го намалите негативното влијание на кафето врз нервниот систем со кафето секогаш изедете нешто.
Се намалува нивото на хормони
Главната причина поради која кафето го зголемува чувството на стрес и тегоби е хормонската нерамнотежа за која е виновен кофеинот. Утринското кафе на празен желудник може да го попречи производството на серотонин, невротрансмитер одговорен за чувството на уживање, среќа и благосостојба. Истражувањата покажале дека штом престанеме да пиеме кафе на празен желудник ќе бидеме подобро расположени и генерално подобро ќе се чувствуваме.
