Алуминиумот е третиот најраспространет елемент во Земјината кора на кој секојдневно сме изложени преку храната и водата. Проблемот лежи во фактот што алуминиумот е добро познат невротоксин, кој се почесто се поврзува со Алцхајмерова болест, и се задржува во мозокот и коските. Иако се уште не е научно докажано дека алуминиумот е директна причина за Алцхајмерова болест, истражувачите велат дека оваа врска не би требало да се игнорира.
Добрата вест е дека здравите луѓе можат без проблем да преработат мали количини на алуминиум. Меѓутоа, кај луѓето кои имаат проблеми со бубрезите, организмот потешко се справува со алуминиумот, кој може да се наталожи и да предизвика големи проблеми.
Зошто готвењето со алуминиумска фолија е опасно?
Кога храната е завиткана во алуминиумска фолија и се загрева, за време на процесот на готвење (на пример, на скара или во рерна) алуминиумот, кој се наоѓа во неа се разложува и завршува во вашата храна. Истражувачите откриле дека во некои случаи количината на алуминиум, која завршува во храната го надминува безбедното ниво поставено од страна на Светската здравствена организација, а кое изнесува 1 мг алуминиум на 1 килограм наша телесна тежина. Како што се зголемува температурата, така расте и количина на алуминиум, која се ослободува за време на печењето, а постои и опасност случајно да изедете парче фолија, кое можеби се залепило на јадењето.
