Понекогаш недефинирани грчеви се појавуваат во средината на циклусот, а лекарите велат дека тоа е многу честа појава.
Од клиниката „Мајо“ објасниле дека дури ни лекарите се уште не откриле што всушност ги предизвикува овие грчеви. Постојат некои теории кои се поврзани со она што се случува во матката и јајниците за време на овулацијата, кои би можеле да ја објаснат болната појава.
За време на овулацијата доаѓа до отпуштање на зрела јајце-клетка од јајниците до јајцеводот. Јајце-клетките се полни со вода и се најголеми токму пред овулацијата. Оваа течност е она што би можело да предизвикува болка, односно грчеви токму во средината на циклусот или две недели пред наредниот менструален период.
Сосема е вообичаено да се почувствува и блага подуеност, па дури и лесно крвавење. Се би требало да престане во рок од два дена
Другата теорија која ги објаснува грчевите вели дека додека јајце- клетката се проширува предизвикува болка, бидејќи ја растегнува површината на јајниците. Треба да знаете дека овие грчеви се сосема нормални само ако се појавуваат во средината на циклусот, а доколку ги почувствувате во некое друго време, треба да се консултирате со лекар.
За каква болка се работи? Чувството е слично како кај грчевите за време на менструацијата. Единствената разлика е во тоа што се чувствува болка само на едната страна, а некои жени болката ја чувствуваат во долниот дел на грбот. Кај секоја жена симптомите се различни.
Исто така, сосема е вообичаено да се почувствува и блага подуеност, па дури и лесно крвавење. Се би требало да престане во рок од два дена. Ако се пролонгира, може да го решите проблемот со лекови за болка, но дефинитивно треба да му кажете на вашиот гинеколог.
