Постојат луѓе кои го промовираат тренирањето како прва работа која би требало да се направи наутро, но тоа може да има последици по здравјето. Многумина веруваат дека токму тренирањеро после самото будење, односно откако ништо не сте јаделе во период од 8 до 12 часа, го поттикнува забрзаното топење на мастите во организмот.
Не постојат многу истражувања на оваа тема, но многумина тренери и нутриционисти сметаат дека тренирањето на празен стомак нема да помогне во слабеењето, туку само ќе имате помалку енергија за оптимален тренинг.
Сепак, препорака е да се изеде лесен оброк кој претежно се состои од протеини и здрави масти за организмот да има доволно енергија за тренинг. На тој начин телото ќе биде принудено да троши масти бидејќи не е нахрането со јаглехидрати. Трошењето масти со тренинг на празен желудник е најдобро за оние кои се на кето исхрана и чие тело веќе е навикнато да црпи енергија од мастите, а не јаглехидратите.
Значи, нема ништо лошо во тренинг на гладно, но ако почувствувате дека не ви годи најдобро е да ја смените оваа навика.
