Се чини дека фармацевтските компании сметаат на потребата за дополнително вакцинирање, но останатите и не се така сигурни. Советодавниот одбор за имунизациска пракса во САД објави дека бустер вакцината моментално не е главна работа, но тоа не значи дека работите нема да се променат, коментира д-р Вилијам Шафнер, инфектолог од Медицинскиот центар Вандербилт.
ИМУНИТЕТОТ ПО ВАКЦИНИРАЊЕТО ЌЕ ИСЧЕЗНЕ
Имунитетот на вирусот веројатно нема да трае вечно, било да сте го стекнале поради болест или вакцина, но вреди да се додаде и дека некои лица веќе два пати имале КОВИД-19. Така, за бустер (засилувач) вакцината би можело да се размислува како за континуирана едукација на имуниот систем.
“Тие се тука како би го потсетиле телото на инфекцијата и за да одделни клетки го запомант вирусот во опкружувањето каде се изложени на него“, појаснува Тереза Амато, лекар од Њујорк.
ПОСТОЕЧКИТЕ ВАКЦИНИ ДЕЛУВААТ ШЕСТ МЕСЕЦИ
“Со оглед дека се работи за нов вирус и натаму мора многу да научиме не само за него, туку и за вакцините кои го победуваат“, додава Амато. Стручното гласило The New England Journal of Medicine објави податоци во кои се наведува дека двете дози вакцина имаат ефект шест месеци.
ТАА ВАКЦИНА МОЖЕ ЌЕ БИДЕ ДОСТАПНА ИДНАТА НЕДЕЛА
Стручњаците предвидуваа дека ќе биде потребно да се прими трета доза, 6-12 месеци по првото вакцинирање и тоа за вакцината на Фајзер. Модерна планира да развие трета бустер вакцина есеноска.
ОДРЕДЕНИ ГРУПИ ЌЕ БИДАТ ПРИОРИТЕТ
Лицата кои се исклучително чувствителна категорија, ќе бидат меѓу првите кои ќе ја примат оваа вакцина. “Кај повозрасните лица тој имунитет многу порано ќе се намали отколку кај младите. Да се заштитат тие и лицата кои имаат одредени состојби како дијабетес или болести на срцето мора да се заштитат“, појаснува д-р Џон Заиа.
МОЖЕБИ НЕМА ДА ПРИМИТЕ ИСТА ВАКЦИНА
Ако вирусот драстично не мутира, бустерот би можел да биде од ист производител од кој веќе сте се ревакцинирале. Дали лицето ќе мора да се вакцинира со друга вакцина, тоа се уште не се знае, појаснува д-р Шафнер. Ако варојантите се променат и станат поопасни, бустер вакцината не мора да биде иста, туку се работи за модификација на оригиналната вакцина.
“Нема сомнеж дека вакцините ќе бидат навреме подготвени за дистрибуција до фармацевтите и лекарите. Ќе бидат поблизу до поединецот, па повеќе нема да треба луѓето да се носат во групи за вакцинирање“, додада Шафнер.
Ако бустер вакцината стане нешто што редовно се прима, д-р Заиа се надева дека можеби ќе биде во исто шишенце ќе биде поврзана вакцината против грип и КОВИД, а ако не е така, барем ќе може да се прима во исто време.
Д-р Шафнер заклучува дека моментално се одвива расправа дали ќе постои можност вакцината против КОВИД-19 да се дава во исто време како и останатите вакцини, неважно дали кај децата или кај возрасните.
