Постојаното наведнување над мобилниот телефон или над екранот од лаптопот или десктопот, може значајно да ги оптовари коските и зглобовите на вратот. Овој нов симптом лекарите го нарекуваат „текстуален врат„. До ова пореметување доаѓа како последица на свитканта положба на вратот подолг временски период, поради гледањето во екран или тастатурата.
На пример, ако седите со нозете под задникот десет минути, кога ќе станете, зглобовите ќе ви бидат вкочанети и ќе ве болат. Токму тоа се случува со вратот кога долго се држи во положба свиткан надолу. Тоа долготрајно истегање на вратот доведува да ‘рскавицата и нерви се издолжуваат, што ја менува целата структура на ‘рбетот. Освен непријатното чуство ова може да доведе до појава на главоболка,па дури и невролошки проблеми.
За спречување на овој проблем од суштинска важност е да се задржи здрава положба. Доколку се работи на компјутер, важно е повремено да се направи пауза, да се исправи вратот, да се погледне нагоре, како и да се вртат рамената наназад, наместо да се држат свиткани напред, велат истражувачите од Клиниката за болести на грбот од Лидс.
Еден од добрите начини да се спречи овој проблем е да се постави екранот на компјутерот во висина на очите, за не мора вратот долго време да се држи свиткан надолу.
