Гасовите се случуваат кога во тенкото црево ќе се соберат гасови од дигестијата и дишењето. Имено, кога јадете, џвакате и ја голтате храната, голтате и воздух, кој се насобира во дигестивниот систем. И додека дел од возухот се апсорбира, вишокот излегува преку испуштање гасови или подригнување.
Со други зборови, испуштањето гасови е здраво, бидејќи му овозможува на телото да се ослободи од гасовите, кои инаку би предизвикале нелагдоност, а понекогаш и болка.
КОЛКУ ГАСОВИ ДНЕВНО Е НОРМАЛНО?
Лице во просек испушта гасови 14 до 23 пати во еден ден. Во зависност од тоа што јадете, може да биде помалку или повеќе.
Поголемиот дел од гасовите немаат мирис, но ако се земат предвид некои фактори, гласовите може да бидат гласни и миризливи.
Значи, нормално е да се испушти гас до 25 пати во еден ден, но повеќе од тоа се смета за премногу. Доколку сте забележале дека испуштате гасови повеќе од вообичаено, најчесто е проследено со симптоми како подригнување, надуеност, болка и нелагодност во стомакот.
КОГА ТРЕБА ДА ОТИДЕТЕ НА ЛЕКАР?
Ако чувствувате дека испуштате гасови повеќе гасови и притоа чувствувате болка или нелагодност, со нагласена надуеност и подригнување, контактирајте го вашиот лекар, објаснете му ги симптомите, а тој ќе ви ги направи потребните тестови за да ја утврди причината на проблемот.
Значи, испуштањето гасови е знак на здрава дигестија, а верувале или не, има и бројни предности. Ја намалува болката и надуеноста во стомакот, помага да знаете дали вашата исхрана е здрава и балансирана, го подобрува здравјето на цревата, укажува на алергии или нетолерантност на одредена храна и е ран знак за различни здравствени проблеми.
