Количината на калории и јаглехидрати во кафеавиот шеќер е нешто помал во однос на белиот кристал шеќер, но и покрај тоа може да има значајно влијание на нивото на глукоза во крвта. Ако го консумирате во големи количини, може да предизвика покачување на нивото на шеќерот во крвта или хипергликемија. Значи, не се препорачува за дијабетичари кои мораат колку што е можно, да избегнуваат епизоди на хипергликемија.
Зошто е кафеав? Кафеавиот шеќер бојата ја должи на меласата која останува, односно која се додава за време на неговата обработка. Тој во најдобар случај е делумно рафиниран, а често е еднакво рафиниран како белиот. Меѓутоа, меласата му дава посебен вкус и својства за готвење. Меласата е густ темнокафеав или темнозелен сок кој е нуспроизвод по кристализацијата во постапката на производство на шеќер од шеќерна трска или шеќерна репа.
Што содржи? Поради додадената меласа, кафеавиот шеќер е повлажен за разлика од белиот. Присуството на влажност му дава единствена текстура, но влагата не помага при намалувањето на калориите и јаглехидратите. Една лажица кафеав шеќер содржи 60 калории и 15 грама јаглехидрати, речиси исто колку и белиот шеќер.
Хранливи материи. Научни резултати не ја поддржуваат идејата дека кафеавиот шеќер е похранлив од белиот. Иако меласата содржи некои минерали и витамини во траги, сепак количината не е толку голема за да има поголема за да му донесе поголеми хранливи вредности. Значи, и при консумирање на кафеавиот шеѓер, треба да водите сметка на количините кои ги внесувате.
