Неколку шолји кафе или чај, секој ден, може да помогнат во спречување на мозочен удар и деменција, укажуваат резултатите од 14-годишното истражување, објавено во медицинското списание PLOS Medicine, во кое учествувале 366.000 Британци на возраст од 50 до 74 години.
Лицата кои пиеле 2 до 3 шолји кафе со иста количина чај секој ден, имале за 32 процнети помал ризик од мозочен удар, како и 28 проценти помал ризик од деменција.
Што се однесува до намалување на ризикот од мозочен удар, треба да се истакне дека консумирањето кафе и чај го намалило ризикот од исхемичен мозочен удар, но не и од хеморагичен мозочен удар.
Инаку, познато е дека кафето и чајот содржат неколку хемиски соединенија, а не само кофеин, кои имаат здравствени предности како антиоксидантно и противвоспалително делување.
